ප්‍රේම කතා නවතා
බලමු අවට ඇස් ඇර කිව්වද
නැවතුනු ප්‍රේම කතාවක් නො මැත -ප්‍රිය මිතුර
නැවතුනේ කොතනද, නවතා කලදේ කිම්ද
දකිනූ රිසි වෙමි -එහෙයින් අදටත්
දිළිදුන්ගේ කුසගින්න - දැවෙනා සතියක ම
ඇස අග කදුලු බොදවී යනෙන දින කිම
මා දුටු අළු දූවිලි කලේ නම් අරුම
කොයි දිසාවක නැවතුනේද අමුතු ප්‍රේම
නො තේරෙන බසකි
නැතිබැරිකම් ගැන දොඩන
අවට ඇස් බලනට -යන්නේද සති ගණනක්
පද ලියවෙන කල ගේය සේ සත්සර හා
හඬකට හසුවී අපද අසනෙමු - එම ගී මුමුණා
එනමුත්, නැවතුනු ප්‍රේමය කිම....?
පීඩිතයා දෙස බැලූ, දෙනෙත් කිම
පීඩිතයා වෙර දරයි
ජයගන්නට දිනෙක සිය නැතිබැරිකම්
එය දුටුකල ගැයුවෙනම් දෙදෙනෙක්
'ඔරුවක් වී - ඒ ජීවන මග හා යාවන්නට'
පැදගිය ඔරුවක්ද නැත
ගැයූ දෙදෙනාද නැත
නැවතුනු ප්‍රේමයක්ද නැත.........
දිළින්දාත්, පීඩිතයාත් එක සේ බැට කයි
පිඩකයාගේ ප්‍රේම කතා
ගේය පද හා සත්සර මුසුවුණු
කෝමල ගී අභියස - තොල් සෙලවෙන කල
අර්ථ ශුන්‍ය සිහින දේශයක
වර්තමානයත් සුව නින්දක
අනාගතය ගී පද වී, සත්සර සොයන කල
නැවතුනු ප්‍රේමයක් නැත
පැදගිය ඔරුවක් ද නැත.
No comments:
Post a Comment