මා සේ උපන්
මා වැනි උතුම්
මා වැනි ලස්සන
ඔබ සියලු දෙනට,
අලුතෙන් මගක් පාදවා
රටට මැ, ලෝකෙට මැ
අඬබෙර ගසා - වීණා වයා
‘‘කොටි ජෝඩු” යැයි නම් කළේ
මනසින් ද? හදවතින් ද?
නළලේ තිලක පොට්ටුවෙන්
දිදුළන මණිපුරි සාරිවලින්
ඔබ සරසා ලෝකෙට පෙන්නුවේ
මෙන්න ‘‘කොටි ජෝඩු” කියලද...?
රූප පෙට්ටියේ ඔබ සැම සිටියේ
සත්තකින් මැ සතුටින් ද,
නැතිනම් සැකයෙන් ද?
මේ කරන විගඩංවලට
‘‘කොටි ජෝඩු” යයි නම් කළ උදවියට
අවැසි වූයේ මංගල සීනු
අසන්නට ද
ඔබ නිරුවත් කළ, වත
පෙන්වන්නට ද...?
No comments:
Post a Comment