![]() |
By Saim Dursun.
|
ප්රංශෙට මල් හතයි
ඉතාලියට මල් හතයි
මුළු යුරෝපයට මැ මල් හතයි
ආසියාවට එක මලක්වත් නෑ...
ආසියා බිම් මායිමක ඉපිද
පැතුරූ දහම් සුවඳ
ගිනිගෙනද, සුවඳට ගිනි තියලද,
ආසියාවේ සිට
වංසෙ කබල් ගාන උදවිය හා
හණමිටි සිතුවිලි රැගෙනැ
හැරමිටියෙන් යන්න වෙයිද
ආසියාවේ පිපෙන දුහුළු මලට
යුරෝපෙන් දූවිලි ගෙනෙන උදවිය හා
වාසය කරන්නට ඔබ රිසි වන්නේද
මට හා ඔබට පුරුදු මේ දූවිල අතරින්
අතරමං නොවූ විප්ලවකරුවෙකු වූ ඔබ
ඒ දූවිලි අතරමැ මාවත් තනිකර
ප්රංශයේ මල් සොයමින්
යුරෝපෙ සිරි නරඹමින්
වතිකානු රාජ සභාවේ
පැසසුම් ගී ගයන්නට - ඔබ ඇදෙනවාද ස්වාමිනී...
No comments:
Post a Comment